NUUSBRIEF DESEMBER 2018
GEAGTE KLIȄNTE EN
ASSOSIATE:
Met die einde van die
jaar in sig, wil ons graag van die geleentheid gebruik maak om terug te kyk na
die gebeure van 2018: Ons bedank elkeen van julle vir jul voortgesette
ondersteuning gedurende die jaar.
2018 was ‘n
uitdagende jaar met ‘n wisselvallige aandele mark wat die grootste struikelblok
was.
Ons verwag dat 2019
nog steeds wissellvallig gaan wees tot en met die algemene verkiesing, maar dat
die mark en ekonomie sal verbeter daarna.
Ons is dankbaar vir
ons familiebesigheid en al ons kliënte en assosiate. Ons is daartoe verbind om
vir elke kliënt ‘n persoonlike finansiële behoefte ontleding te voltooi en
beplanning daarvolgens voor te stel om sodoende elke kliënt se individuele
doelwitte te bepaal en te bereik.
Vinnige vooruitgang van die mediese wetenskap maak
dit moontlik om voorheen lewensbedreigende siektes soos kanker te behandel en
te genees. Gevorderde behandelings is egter duur. Om hierdie rede is omvattende
gevreesdesiektedekking noodsaaklik.
Ongeveer 100 000 Suid-Afrikaners word elke jaar
met kanker gediagnoseer. Baie van hierdie pasiënte bevind hulself dan onder
finansiële druk aangesien mediese skemas nie die kostes van behandeling en
medikasie ten volle dek nie.
Gevreesdesiektedekking het ten doel om omvattende
dekking teen ’n bekostigbare prys te verskaf. Ons het self gedurende hierdie
jaar eise suksesvol behartig van kliënte wat ‘n Gevreesde Siekte opgedoen het.
Dit is opmerklik dat kliënte al hoe jonger
gediagnoseer word met ‘n gevreesde siekte.
Ons kan dus nie genoeg die belangrikheid van hierdie
dekking beklemtoon nie. Ons harte gaan uit aan almal wat siektes het en ook
diegene wat iemand aan die dood moes afstaan.
Meeste mense is bewus van die Momentum insident
onlangs in die nuus waar ‘n doodseis geweier is op grond van nie-openbaarmaking
van die kliënt se mediese kondisie.
Juis om hierdie rede word daar soveel sorg geneem
voor enige risiko dekking uitgereik word. Sodoende word daar probleme op eis
stadium verhoed. Ons probeer ten alle tye om van die heel beste produkte voor
te stel vir ons kliënte.
|
Kontak
ons gerus vir meer inligting oor RISIKO DEKKING.
|
AFTREDE:
Daar word baie gepraat en artikels geskryf, bv. Moneyweb, oor
Suid-Afrikaners se tekort aan aftreespaargeld.
Dis van kritiese belang dat aftreebeplanning jaarliks hersien word en
pensioenarisse se posisie ook hersien word.
67% van
alle mense wat bedank neem hul aftree geld in kontant. Die impak hiervan, nie
net met aftrede nie, maar ook met belasting implikasies, kan katastrofies wees.
Wanneer ‘n persoon bedank is daar opsies beskikbaar
om jou aftree geld te beskerm.
Dit is
uiters belangrik dat daar met bedanking of aftrede met ‘n Finansiële Adviseur
gekonsolteer word. Ons as Adviseurs sal vir die kliënt ‘n volledige verslag
saamstel wat die posisie duidelik op aftrede sal uitwys sowel as alle belasting
implikasies.
Steeds in die versoeking om jou aftreespaargeld te
onttrek? Lees hier watter impak dit op jou
aftree-inkomste sal hê.
https://businesstech.co.za/news/banking/260419/2-very-different-retirement-scenarios-in-south-africa/
|
Kontak
ons gerus vir meer inligting oor BEDANKING en AFTREDE.
|
Soos heel aan die begin genoem was hierdie jaar
ontsettend uidagend wat die aandele mark betref.
Die groei op die JSE Alle Aandele (ALSI) was -11.2%
oor 1 jaar vanaf 29 Nov 2017 tot 29 Nov 2018. Oor dieselfde termyn het al ons
verpakkings die mark uitpresteer.
Ons maak gebruik van die beste fondsbestuurders en
vergader gereeld met hulle om die beste verpakkings moontlik saam te stel vir
ons kliënte.
Beleggings is die grootste enkele komponent van ons
praktyk, en juis daarom skenk ons die meeste aandag aan hierdie komponent.
Dit is belangrik om gediversifiseerde modelle te bou
en om by elke kliënt se langtermyn doelwitte te hou, en om nie emosionele
kort-termyn besluite te neem nie.
`n Onlangse artikel
op IOL.co.za het net weereens gewys die waarde wat `n goeie adviseur kan bied: “Research
suggests that engaging with a trusted and qualified adviser and making
the correct financial planning decisions can add 1.82% a year to a client’s
returns over time, compared to someone without an adviser.”
Hersieningsafsprake met beleggingskliënte is uiters
belangrik. Hierdie afsprake bied ons die geleentheid om oor die beleggingswêreld
te gesels en ook om herbalansering van die verpakkings toe te pas waar nodig.
|
Ons missie
is steeds die skepping en behoud van welvaart asook beskerming teen
finansiële risikos vir elke kliënt.
|
Dit is belangrik om jou versekeringspolisse jaarliks te hersien en na te
gaan om te bepaal of jy korrek verseker is. Met hernuwing, lees die opsomming
met die aanbevelings en notas noukeurig deur.
Stel ons asseblief in kennis as jou kontakbesonderhede verander het.
Vra jouself hierdie belangrike vrae af:
·
Het jou lewensfase of lewensomstandighede
verander?
·
Is jou motorversekering op datum, in aggenome
dat voertuie se waarde jaarliks verminder?
·
Wat is die huidige vervangingswaarde van jou
huisinhoud?
·
Is jou huiseienaarsversekering voldoende om
jou huis teen volle waarde te vervang?
Vir baie entrepreneurs wat ’n besigheid van die huis af bedryf verdof die
lyne tussen persoonlike en besigheidsversekering ietwat. Die werklikheid is dat
’n besigheidsversekeringspolis benodig word om die tipiese risiko’s van ’n
besigheid te dek.
Dink aan die verlies van voorraad weens diefstal of ’n brand, of IT-bates
soos skootrekenaars, wat ‘n ramp vir klein ondernemings kan wees. Om te
verseker jou onderneming is gedek vir alle moontlike risiko-scenario’s, is dit
noodsaaklik om eers ’n deeglike behoefte-ontleding te doen. Doen jaarliks ‘n
inventaris om die werklike vervangingswaarde van items te bepaal.
Kontak ons asseblief
indien jul enige navrae het rondom premies, diens of enige algemene navrae.
Ons verbind onsself
tot uitstekende diens, dus is ons altyd oop vir enige terugvoering.
Moet nie oorhaastig
na ‘n ander versekeraar oorskuif nie. Ons het afslagmandate by die versekeraars
en kan altyd onderhandel vir mededingende premies.
Vir
navrae buite ons kantoorure: (Hou asseblief die polisnommer of I.D.
nommer van die polishouer byderhand met die oproep)
OM Insure
Tel: 0861 247 365 Eise, Noodgevalle, Swiftcare, Padbystand, huishoudelike en
mediese noodgevalle. Swiftcare het `n selfoon app wat in noodgevalle gebruik kan word. Kontak ons gerus vir meer
inligting oor die app.
Tel: 0860 637 373
Navrae, byvoorbeeld items
byvoeg of verwyder of enige ander wysigings.
Santam
Tel: 0860 505 911 Eise, noodgevalle, SOS, Padbystand, asook huishoudelike
en mediese noodgevalle. Santam het ook `n selfoon app. Vir meer inligting oor die app
kontak ons gerus.
Tel: 0860 726 826
Navrae, byvoorbeeld items
byvoeg of verwyder of enige ander wysigings.
Auto
& General
Tel: 021 527 8666
Alle eise, navrae en
wysigings.
Tel: 0860 104 210
Noodgevalle na-ure.
|
Kontak
ons gerus indien jy jou versekeringspolis wil HERSIEN of VERANDERINGE wil
aanbring.
|
Ons voldoening word
steeds deur Masthead, die grootste netwerk van onafhanklike adviseurs,
hanteer. Ons is trots ons voldoening is
op datum en dat ons elke kwartaal ‘n gesonde oudit ontvang. Dankie aan almal by
Masthead wat seker maak ons praktyk voldoen aan al die regulasies. Ons bedank
ook die verskeie regs adviseurs op wie ons altyd kan staatmaak.
OPVOLGPLAN:
‘n Doeltreffende
opvolgplan is ‘n belangrike vereiste vir die FSB en ons opvolgplan word ten
volle goedgekeur deur hulle, waarop ons baie trots is.
Antoni en Marco is
reeds ten volle betrokke by alle aspekte van ons besigheid, sodat die besigheid
presies kan voortbestaan soos tans al sou Toni en/of Elmarie nie meer werksaam
wees nie. Ons beoog ook om vir die min kliënte wat nog nie vir Antoni en Marco
ontmoet het nie, te kom voorstel volgende jaar.
WEBTUISTE:
Ons is van plan om volgende jaar ons praktyk se logo
te herontwerp en ons webtuiste op te dateer om tred te hou met die industrie.
Ons moedig ook al ons kliënte wat op facebook is aan
om ons bladsy op facebook te gaan deel en sodoende kan julle ook regstreeks
inligting vanaf facebook ontvang. Kliek hier om ons Facebook blad te besoek
https://www.facebook.com/tvzfinancialservices
MEDELYE, GELUKWENSE EN
INSPIRASIE:
Dit is met baie hartseer dat ons moes afskeid neem van
Tannie Sarie wat vroeër die jaar gesterf het. Tannie Sarie was een van ons
geliefkoosde kliënte van meer as 20 jaar wie ons baie sal mis.
Van ons jongmense het beurse losgeslaan. Baie geluk
aan julle, ons is baie trots op julle.
BELASTING:
SARS het hierdie jaar baie oudits gedoen vir
werklike mediese uitgawes.
Mediese uitgawes wat nie op die mediese fonds
sertifikaat verskyn het nie, is gereeld bevraagteken. SARS raak toenemend
strenger om eise goed te keur en versoek bewyse van enige eise wat ingedien
word. Oudits het ook gereeld tot 30 werksdae geneem om af te handel. Ons is
eerstens finansiële adviseurs, en belasting word gedoen om by hierdie advies
aan te sluit. Ons kan dus suksesvol belasting indien, maar kan nie enige eise
betalings waarborg of bespoedig nie.
AFSLUITING:
Ons suksesse in die praktyk hang direk van jul, ons
kliënte, af. Ons is nederig dankbaar en
wil ons waardering uitspreek teenoor elke kliënt vir jul volgehoue
ondersteuning. Welkom aan al ons nuwe kliënte wat hierdie jaar by ons aangesluit
het.
Ons versoek kliënte asseblief vriendelik om ons by die
kantoor te kontak, om te verseker daar word dadelik aan julle versoek aandag
gegee. As die adviseur uit die kantoor is, is dit nie altyd moontlik om
vroegtydig en doeltreffend aan julle versoeke aandag te gee nie.
2018 was ‘n besige jaar en ons sien uit na die ruskans
wat kom. Ons is opgewonde oor 2019.
Die kantore sal sluit op Donderdag 20 Desember en heropen op Maandag 7 Januarie 2019. Ons
het ons jaareindfunkie op Vrydag 14 Desember en sal vanaf 12:00 nie beskikbaar
wees nie. Ons vra verskoning vir enige ongerief wat dit mag veroorsaak.
Geseënde Kersfees en ’n voorspoedige Nuwejaar! Veilig
reis en geniet die feestyd saam met jul geliefdes.
|
|
.
Baie
groete van ons almal by Toni van Zyl Finansiële dienste
