Geagte kliënte en assosiate,
Ons is dankbaar dat 2017 baie positief afgeskop het, inteenstelling met
verlede jaar. In Februarie 2016 was Suid Afrika se ekonomie nog in skok na die
“Nenegate” debakel, `n skok wat ons geldeenheid en markte onder geweldige druk
geplaas het.
Die Rand wisselkoers het intussen die afgelope jaar uitstekend teen die
vernaamste geldeenhede presteer en die markte is stadig maar seker besig om te
herstel. Menigte ekonome voorspel dat
inflasie besig is om af te neem en dat rentekoerse teen die einde van die jaar
verlaag sal word.
Die tabel hieronder is `n vergelyking van die
wisselkoers en die JSE oor die laaste 2 jaar.
|
|
28 Feb 2016
|
28 Feb 2017
|
|
Rand/Dollar
|
R16.17
|
R13.00
|
|
Rand/Pond
|
R22.43
|
R16.14
|
|
JSE ALSI 1 Jaar opbrengs
|
-7.34%
(27/2/2015 – 26/2/2017)
|
9.05%
(26/2/2016 – 13/1/2017)
|
Begroting 2017
Die jaar se begroting
was ietwat meer optimisties in vergelyking met 2016, maar daar was `n paar
belasting verhogings wat die verbruiker se besteebare inkomste in 2017 kan beïnvloed. Die departement van
Finansies is ook vasbeslote om die regering se spandering te beperk, so daar
word bespiegel dat pakkette binnekort aan sekere staatsbeamptes aangebied kan
word. Indien jy jou in so ‘n posisie bevind, of bewus is van iemand wat ‘n
pakket aangebied is, nader ons asseblief uiters dringend vir advies, aangesien
verkeerde besluite wat nou geneem word jou in die kort- en langtermyn duur te
staan kan kom deur onder andere belastingimplikasies.
Hier volg so paar
belangrike verhogings soos deur Minister Gordhan aangekondig:
- Persone wat meer as R1.5 miljoen per jaar inkomste verdien sal nou 45% moet afstaan aan inkomste belasting.
- Die algemene brandstof heffing verhoog met 30c/liter en pad ongeluk fonds heffing met 9c/liter
- Dividende belasting is verhoog van 15% na 20%.
- Gebruikers van alkohol en tabak kan ook `n verhoging van 6%-10% verwag.
Dis darem nie net
verhogings nie, daar is ook verskeie voordele wat geniet kan word:
- Eiendomme onder R900 000 kan nou aangekoop word sonder dat daar oordragskostes betaalbaar is.
- Die perk op belastingvrye beleggings was verhoog van R30 000 tot R33 000 per jaar. Kontak ons gerus om meer inligting te bekom oor hoe om die voordeel ten volle te benut.
- Tot en met 27.5% van alle aftrede bydraes kan terug ge-eis word van belasting. Belastingbetalers wat in die hoogste belasting kategorie val kan tot R350 000 van hul aftree bydrae terugeis van die ontvanger. Die maatskaplike toelaag vir pensioenarisse bo 60 was onlangs verhoog na R1600 per maand en R1620 vir pensioenarisse oor 70 jaar. Hierdie toelae skiet ver tekort in verhouding met werklike lewensonkostes. Aftreebeplanning is dus `n slim keuse vir belastingverligting asook uiters noodsaaklik.
- Die meerderheid belastingbetalers sal minder inkomste belasting oor die volgende finansiële jaar betaal.
Die onderstaande tabel gee
voorbeelde van wat belastingbetalers in sekere kategorieë kan verwag om in die
2017/2018 belasting jaar te betaal.
|
Belasbare
Inkomste
|
2017/17 Koers
|
2017/18 Koers
|
Belasting verandering (R)
|
% verandering
|
|
R150 000
|
R13 500
|
R13 365
|
-135
|
-1.0%
|
|
R300 000
|
R49 780
|
R49 348
|
-432
|
-0.9%
|
|
R500 000
|
R116 460
|
R115 824
|
-636
|
-0.5%
|
|
R750 000
|
R213 431
|
R212 490
|
-941
|
-0.4%
|
|
R1000 000
|
R315 931
|
R314 990
|
-941
|
-0.3%
|
|
R1500 000
|
R520 931
|
R519 990
|
-941
|
-0.2%
|
|
R2000 000
|
R725 931
|
R744 990
|
-941
|
2.6%
|
Onthou die belastingjaar het 1 Maart begin –
So hou jou logboek op datum, bewaar enige fakture/strokies en hou rekord van
alle mediese uigawes om belasting indiening later die jaar te vergemaklik.
Beleggings en welvaartskepping
2016 was verseker `n
wisselvallige jaar vir die markte, maar soos vroeër genoem, blyk dit wel of die
markte besig is om te draai.
Die twee tabelle
hieronder is `n goeie voorbeeld van presies hoe wisselvallig die mark was. Die
tabelle is gebaseer op fondse met hoë aandele blootstelling wat op lang
periodes uitpresteer het en nou heelwat veld verloor het in 2016. Daarteenoor
het fondse wat onder presteer het oor lang periodes, weer top presteer in 2016.
|
Top 3 fondse posisies oor 3 jaar tot Des
2015
|
Posisie in 2016
|
|
Nr 1
|
Nr 102
|
|
Nr 2
|
Nr 92
|
|
Nr 3
|
Nr 98
|
|
Top 3
fondse in 2016
|
Posisie
oor 3 jaar tot Des 2015
|
|
Nr 1
|
Nr 103
|
|
Nr 2
|
Nr 101
|
|
Nr 3
|
Nr 78 (*fonds bestaan sedert 1 Nov 2013)
|
Bostaande is weereens ‘n
bewys dat niemand die markte akkuraat vooruit kan skat nie. By TVZ, wat erkende
Top Fondsbestuurders beaam, is ons oortuig dat welvaartskepping oor die lang
termyn slegs kan plaasvind deur:
- voldoende
diversifikasie, - die gebruik van erkende fondsbestuurders met uitstekende resultate oor die langer termyne,
- om doelgerig by jou beleggings strategie/ plan te hou deur die goeie tye asook tye van swakker opbrengs,
- en om nie emosionele besluite te neem nie.
Risiko dekking: Lewens-, Ongeskiktheids- en Traumadekking
Ons kan nie genoeg die
belangrikheid van Risiko dekking beklemtoon nie: Ons moedig dus al ons kliënte
aan om by ons seker te maak hul en hul geliefdes is voldoende gedek is met dood,
asook in geval van ongeskiktheid en trauma. Ons het onlangs `n trauma eis van
`n kliënt gehad wat met kanker gediagnoseer is. Die kanker was gelukkig vroeg
genoeg opgespoor en behandel. Die trauma eis het ook ten volle uitbetaal
aan die kliënt sonder vertraging. Vanaf 1 April 2017 sal daar nuwe regulasies
in plek wees om limiete te plaas op gapings dekking (gap cover). Dus kan ‘n gevreesde siekte buiten die emosionele impak
‘n enorme impak op jou finansiële situasie hê indien die nodige dekking nie in
plek is nie. Nader ons gerus vir ‘n
volledige behoefte ontleding.
Korttermynversekering
2016 was `n goeie jaar
vir ons korttermyn afdeling. 90% van alle eise was uitbetaal, waar die
oorblywende eise slegs as gevolg van items wat nie gedek was nie, afgekeur was.
Ons wil julle graag herinner om seker te maak dat jul dekking op datum is.
Indien jy onder verseker is, sal die versekeraar nie die volle bedrag uitbetaal
nie.
Ons word gereeld genader
deur kliënte wat wil weg beweeg van direkte versekeraars. Een groot rede is die
swak diens wat hulle by die kontaksentrum ontvang. In ander gevalle is die
premie wel minder as die groot versekeraars, maar daar is allerhande
addisionele bybetalings bygevoeg wat maklik is om mis te kyk. By TVZ weet jy
presies met wie jy praat en ons is jou kontak persoon, dus hoef jy nie elke
keer met verskillende persone te praat nie. Die versekeraars wat ons van
gebruik maak sal nie onnodige bybetalings op jou polisse plaas nie. Ons sal ook seker maak dat jy as kliënt alles
verstaan op jou polis kontrak.
Kontak ons gerus vir
enige navrae oor korttermyn versekering.
Afsluiting
Kom ons beoog om 2017 te spaar, om twee keer
te dink voor ons onnodige uitgawes aangaan;
om skuld te verminder; te spaar
vir aftrede, onvoorsiene omstandighede, ons nageslag en ook om water te bespaar,
ons waardevolste hulpbron.
Besoek gerus ons
webtuiste, www.tvzfinancialservices.co.za, of Facebook-blad om informasie te kry oor huidige mark toestande, interessante nuus in
die versekerings bedryf of om kommentaar te lewer. Ons is wel bewus dat “word
of mouth” nogsteeds een van die beste maniere is van bemarking. So verwys gerus
julle vriende, familie-lede of kollegas na ons vir `n gratis finansiële
ontleding.
Baie groete
Van ons almal by Toni van Zyl Finansiële Dienste
No comments:
Post a Comment